歐國聯:狙擊克羅地亞瑞典護級大格鬥

狙擊克羅地亞瑞典護級大格鬥周日凌晨歐國聯Ａ3組「護級大戰」，4戰皆北排包尾嘅瑞典，會喺主場迎戰4戰得3分嘅克羅地亞，瑞典今場若果未能贏波，將篤定下屆降落B組比賽，因此不容有失，藉主場之利肯定主動出擊。面對攻強守弱嘅克羅地亞，中位數2.5球入球大值得支持。（有線664、604台周日凌晨3時45分直播）格仔軍隊長「中招」缺陣瑞典上場熱身賽吞丹麥雙蛋，不過兩位進攻能手古路施夫斯基同科斯貝治都係先列後備，今場情況許勝不許敗，二人好可能會掛帥衝鋒，為效力皇家蘇斯達嘅箭頭阿歷山大伊沙克提供機會。以瑞典目前嘅進攻力量，要攻破克羅地亞大門亦非難事。克羅地亞喺首循環曾主場2比1贏過瑞典，攻強守弱風格相當明顯，之前對葡萄牙以及兩戰法國，「格仔軍」都能夠成功取得入球，只因防線不濟頻頻失波而落敗，周中友賽土耳其同樣踢成3比3平手。克羅地亞中堅隊長杜馬高維達喺上仗比賽期間確診新冠肺炎，今場唔能夠上陣，令防守力進一步受挫，再加上「格仔軍」近6場歐國聯賽事，總入球全開3球或以上，今仗大盤值追。