巴塞隆拿遠征基輔　大軍名單冇美斯歐聯G組第4輪分組賽，巴塞隆拿作客基輔戴拿模一仗，巴塞公布作客大軍名單，阿根廷球王美斯榜上無名，今仗不會隨隊，巴塞方面嘅解釋係美斯需要休息。除咗美斯，法蘭基迪莊都冇份，主帥朗奴高文在出發前記者會表示：「會方決定畀美斯同迪莊休息，因為球隊喺分組賽前3場全勝，已經取得一定優勢，上述2位球員近期征戰頻繁，需要爭取時間休息調整。」加上碧基受傷，巴塞今仗作客基輔將會半力出擊，中場菲臘比古天奴同前場基沙文2大巨星孭重飛，馬會足智彩巴塞客勝賠率由最初1.29倍即時調整到1.53倍，變動幅度頗大。