歐冠盃:遠征土耳其萊比錫捱細界

遠征土耳其萊比錫捱細界H組頭場土超冠軍巴沙克舒希主場鬥德甲RB萊比錫；兩軍目前仲有機會爭出線，RB萊比錫首循環對碰贏2比0，計牌面無疑秤先，不過佢哋近6場作客贏得1場，讓一球、球半略嫌過火。既然佢哋呢6場作客有5次開2球或以下，轉玩2.5球細盤仲好。（myTVGold303、Now643、有線656及616台周四凌晨1時55分直播）RB萊比錫目前4戰得6分，因對賽作客入球不及PSG排小組第3，至於巴沙克舒希雖然只得3分排包尾，但如果今場贏波仲有價講，兩軍為爭出線必定砌盡。萊比錫今季作客表現一般，聯賽連盃賽近6場只贏1場，包括分組賽先後輸畀曼聯及PSG，而且對上4場作客有3場交白卷，客場出擊入波唔算多，讓球盤要淨勝2球先贏盤，值博率唔高。巴沙克舒希主場頂得住巴沙克舒希今屆分組賽唯一勝仗係主場擊敗曼聯，主場有一定威力，況且佢哋首循環主場對PSG都只係輸0比2，論攻力萊比錫唔會好得過PSG，巴沙克舒希一心主守未必會大敗，一於揀2.5球細盤。