歐霸盃:拿玻里細鍊阿爾克馬爾

拿玻里細鍊阿爾克馬爾歐霸F組大戰有阿爾克馬爾主場對拿玻里，拿玻里近期因名宿馬納當拿病逝，激發鬥心取得2連勝，不過，佢哋對荷蘭球隊往績不濟，今場未必會主動出擊，尤其今屆拿玻里應付歐霸態度謹慎，近4場有3次開2球或以下，預計教練加度素會繼續做好防守，捧2.5球入球細。（Now644周五凌晨4時直播）手執出線主導權先求穩現時拿玻里以9分排F組榜首，領先阿爾克馬爾同皇家蘇斯達2分，今場作客完阿爾克馬爾，最後1戰主場對皇蘇，都算手執出線主導權，只要2場都保持不敗，或其中1場全取3分都肯定出線，確實唔需要太急。拿玻里近期受「馬納當拿效應」激勵，主場出擊取得2連勝，但今場作客又有唔同睇法，加上佢哋歐洲賽對荷蘭球隊往績輸蝕，近7次只得1勝2和4負，包括首循環主場不敵阿爾克馬爾0比1，今場有機會先做好防守。阿爾克馬爾最後一場對呢組最弱嘅列積卡，今場亦唔需要心急，加上後衞莊拿斯史雲遜及射手艾拔古蒙臣只要再攞多1張黃牌，下場就要停賽，相信亦會踢得小心，預料今場都會少交收。