英超:曼城富咸半場玩大佢

曼城富咸半場玩大佢英超有場強弱懸殊之戰，億萬大軍曼城主場撲擊升班球隊富咸。「藍月亮」曼城逐漸上力，上輪聯賽大勝般尼重拾風采，面對同樣屬下游球隊嘅富咸，又可以大開殺戒，曼城近4次對富咸全勝，3次半場開2球或以上，推介1.5球半場大。（Now621周六晚11時直播）曼城上周中歐聯擊敗奧林比亞高斯後，手持12分提早取得出線16強資格，返到聯賽即時翻生，雖然阿古路及史達寧仍然缺陣，但憑馬列斯大演帽子戲法，以5比0大炒般尼，係佢哋今季入波最多一場，信心返晒嚟。去到周中，曼城歐聯作客波圖悶和0比0，齊齊鎖定小組首、次名，取得圓滿結果。藍月亮攻擊點夠多上季「藍月亮」以102個入球傲視英超，今季受到疫情影響，加上阿古路及史達寧輪流受傷，聯賽成績一度下滑，不過球員始終具備級數，除咗馬列斯弗到漏，幾位攻擊球員奇雲迪布尼、費倫托利斯、菲爾科頓都有上佳表現，尤其菲爾科頓，雖曾受到醜聞影響，但憑近期頂級表現，令英格蘭領隊修夫基都要重召佢返入國家隊，可見曼城各將只要回復水準，一般球隊點頂得住。富咸整體質素肯定唔及曼城，但上仗聯賽作客爆冷擊敗李斯特城，取得今季聯賽第2場勝仗，無疑為球隊打入一支強心針，今場或有機會喺曼城身上偷雞取得入球，雙方近4次對賽，有3次半場開2球或以上，今場有可能一開波就鬥搶，推介半場大。