英超:列斯旺半和再追

列斯旺半和再追踢法機動玩後勁周日凌晨英超好戲，車路士主場迎戰列斯聯。列斯聯係今季3支升班球隊當中，表現最對辦嗰隊，球隊踢法機動，尤其作客賽事紀律性極強，近4場聯賽作客3次開出半場和，今場造訪史丹福橋球場，肯定照辦煮碗穩中爭勝，推介半場和。（Now621及611周日凌晨4時直播）依家10戰得14分排中游位置嘅列斯聯，其實同今場對手車路士只有5分差距，以佢哋嘅陣容嚟講，成績已經算係唔錯。列斯聯上場聯賽以1比0擊敗愛華頓，巴西中場拉芬夏比洛尼下半場一箭定江山，為球隊奠勝，呢場勝仗亦係列斯聯近4場作客嘅第3勝，可見佢哋即使作客都有強勁戰鬥力。列斯聯表現出色，領隊比爾沙功勞最大，雖然佢有「狂人」稱號，但唔係毫無目的瘋狂，比爾沙對球隊認真同執着，要求球員絕對服從戰術指令，佢哋個個聽話完美執行領隊嘅戰術，3場作客勝仗，半場都同對手打和。車仔歐聯搏盡未回氣車路士領隊林柏特喺2018至19年期間執教過打比郡，當時連升班附加賽在內，4次對住由比爾沙執教嘅列斯聯，只得1勝3負，即使依家兩軍陣中球員質素更高，但相信林柏特亦唔敢太過冒進，加上車路士上輪聯賽惡戰熱刺後，歐聯分組賽作客搏盡贏西維爾4比0，體力或唔及對手，今場宜吼半場和。