西甲:卡迪斯硬淨細抗巴塞

卡迪斯硬淨細抗巴塞巴塞隆拿今晚會喺西甲尾場作客卡迪斯。升班球隊卡迪斯開季有驚喜，現時聯賽排名比巴塞更高1位。巴塞人腳、牌面雖遠勝對手，但今季表現過於飄忽，冇必勝把握。既然巴塞近3場聯賽作客全開2球或以下，卡迪斯近8場聯賽亦有7次開2球或以下，捧2.5球細最明智。（Now632周日凌晨4時直播）巴塞近3聯賽作客全細今季西甲兩支升班球隊，侯爾斯卡開季11戰未贏過排榜尾，相比之下，位居聯賽榜中上嘅卡迪斯表現卻超乎預期，開季4勝3和4負，當中包括作客1比0爆冷擊敗皇馬，其後喺主場0比0和維拉利爾，以戰績證明球隊絕非魚腩。儘管巴塞上場歐聯以3比0力挫費倫斯華路士，不過今季喺朗奴高文領軍下，巴塞表現時好時壞，尤其作客令人失望，近3場作客聯賽分別0比1不敵基達菲、1比1打和艾拉維斯，以及0比1不敵馬體會，3場僅入1球，總入球全開2球或以下，卡迪斯踢法硬淨，近8場聯賽有7次開2球或以下，今場入波唔會多，捧細最好路。