「哨牙蘇」轉陰隨時候命馬德里體育會今晚主場對華拉度列賽前收到好消息，官方宣布箭頭蘇亞雷斯最新嘅新冠肺炎檢測結果，已經由陽性轉為陰性，並喺尋日歸隊參與訓練。「哨牙蘇」係早前跟隨烏拉圭國家隊比賽時確診，之後錯過幾場馬體會大戰，包括聯賽對巴塞同歐聯對拜仁。呢位喺聯賽踢6場入5球嘅前鋒，可望趕及今晚復出披甲。馬體會目前係西甲唯一未敗之師，佢哋落後榜首皇家蘇斯達1分，但就少踢兩場，今晚對華拉度列自然殺聲震天。