亞冠盃:蔚山北京駁火爭過關

蔚山北京駁火爭過關8強合演矛盾對決喺卡塔爾舉行嘅亞冠盃今晚上演兩場8強好戲碼，兩支韓職球隊蔚山現代及水原藍翼分途出擊，將同中超代表FC北京及日職球隊神戶勝利船爭入準決賽。頭場蔚山現代對FC北京，兩軍喺亞冠盃表現同樣勇銳，為晉級必冇保留，直取中位數2.5球大盤。（Now670、有線651及611台周四晚6時直播）蔚山同北京喺今屆分組賽同樣取得5勝1和，實力稱得上旗鼓相當。論攻力蔚山較強，對上6場亞冠盃全勝之餘，每場至少攻入對手2球或以上；北京則防守出色，今屆7場比賽從未試過單場失多過1球，入籍兵阿倫杜格拉斯今屆亞冠盃已轟入4球，腳風甚順，加上前巴西國腳連拿度奧古士圖、曾喺西甲搵食嘅莊拿芬韋拉都有數胡能力，遇上蔚山隨時合演對攻好戲，中位數2.5球大盤係投注首選。藍翼守「細」波抗勝利船至於尾場神戶勝利船惡鬥水原藍翼，今場係兩軍今屆亞冠盃第3次碰頭，分組賽兩次交鋒各贏一次，不過分組煞科戰勝利船喺篤定出線下刻意留力，兩球淨負藍翼賽果未能作準。勝利船上場16強憑靈魂人物恩尼斯達入波，2比0淘汰上海SP，盡顯奪標熱門本色，但呢名前西班牙國腳踢到下半場中段傷出，就算今場能趕及復出，恐怕未必踢出最佳水準，對球隊進攻必有影響。水原藍翼防守比進攻出色，復賽後3場分組賽夾埋只失1球，嚟到淘汰賽更啱踢，今場勝負隨時一球起、兩球止，捧細盤啱數。（Now671、有線652及612台周四晚10時直播）