英超:李城跌watt細孤力弱

李城跌watt細孤力弱李斯特城周一凌晨英超亮相，喺主場迎戰白禮頓。「狐狸」整體實力擺明喺白禮頓之上，但狀態有走下坡迹象，近3場英超輸咗2場，況且白禮頓防守尚算穩陣，「狐狸」想贏唔係易事，考慮到雙方近6次聯賽交鋒，有5次總入球開2球或以下，首選入球細。（Now622周一凌晨3時15分直播）李斯特城曾於季初首3場英超全勝，轟入12球，但其後表現開始跌Watt，主場成績尤其令人失望，當中近4場聯賽主場輸3場，而且僅入2球，連新升班嘅富咸都搞唔掂，呢場就算遇上位處下游嘅白禮頓，都未必可以攞到甜頭。值得留意嘅係，李城首席射手占美華迪今季9個聯賽入波當中，主場只係入得1球，其餘8球都係作客賽事射入，「狐狸」呢場地頭出擊，反而不利「華Dee」嘅發揮。更何況佢哋啱啱周中踢完歐霸盃，相對以逸待勞嘅白禮頓，體力難免比較輸蝕，想撕破「海鷗」防線恐怕有心無力。白禮頓硬淨頂得兩嘴另邊廂，白禮頓近7場英超有5場不敗，包括打和勁旅利物浦1比1，踢法非常硬淨。白禮頓深知對手「狐狸」實力較強，預料會採取穩守突擊戰術，攞1分都夠晒數，唔會冒險進攻，上季作客成功守和李斯特城0比0嘅白禮頓，呢場很大機會重施故技，合演一場攻防戰，入球唔慌會多，中位數2.5球入球細諗得過。