英超:李斯特城夠火力入球騷嗒糖

  李斯特城夠火力入球騷嗒糖2020/12/16文:渡邊年今晚「雙藍會」李斯特城主場鬥愛華頓，爆發歐洲賽席位爭奪戰。「拖肥糖」愛華頓及時回勇，上場擊敗車路士終止兩場不勝走勢；李斯特城聯賽及盃賽3連勝，雙線發展一樣咁掂，而且李城近6次鬥愛華頓，5次開3球或以上，必捧2.5球入球大。（Now 621周四凌晨2時直播）李斯特城上輪英超主場3比0大炒白禮頓，累積3連勝。主帥羅渣士今季應付英超同歐霸，主力陣容雖然不同，但一樣火力強大，王牌占美華迪喺英超射入10球，配合哈維班尼斯及泰利文斯等，12場聯賽攻入24球，平均每場有2球進帳，踢歐霸則多用伊恩拿祖及占士麥迪臣等人，但幾個中前場球員夾到好好，撈亂用都冇問題，就好似贏白禮頓場波，占士麥迪臣正選梅開二度，未來快車不愁中前場排陣問題。愛華頓回復信心現時排第7嘅愛華頓只落後第4位嘅修咸頓3分，今季英超爭持激烈，1場勝仗可以跳幾級，「拖肥糖」上場主場1比0擊敗車路士，打破對方17場不敗走勢，球隊回復信心，加上占士洛迪古斯今場復出，更添中場組織力，前線大把輸送。翻查雙方交手賽績，近6次對賽5次總入球達3球或以上，兩軍為爭前4唔會手軟，一於捧入球大。