澳職:麥克阿瑟搶W唔留手

麥克阿瑟搶W唔留手今日澳職頭場，由FC麥克阿瑟主場對中岸水手，今季新加入澳職嘅FC麥克阿瑟，雖然經驗較淺，但人腳班底不俗。反觀中岸水手近年成績差劣，唔計中立場賽事，上季11場聯賽作客僅得1勝10負，捧FC麥克阿瑟主勝為佳。（周日下午1時05分開賽）雖然FC麥克阿瑟只成立3年，但球會投入大量資源組軍，包括聘請前澳洲國家隊助教米列錫領軍，鋒線上擁有曾經效力布力般流浪嘅達比舒利，中場人腳更強大，比納特曾效力西甲球隊畢爾包、貝迪斯，並為西班牙國家隊上陣過4次。至於來自法國嘅洛斯佩奧踢過歐塞爾、昂熱、南錫等球會，加上35歲隊長米利根曾經為澳洲踢過4屆世界盃，呢條中場線甚具級數，並喺上場以1比0擊敗西悉尼流浪者，旗開得勝。墨城阿聯做「大」騷相比之下，中岸水手明顯較遜色，過去3季澳職常規賽都排包尾，早已淪為魚腩球隊，上季一度試過連輸11場，結果26場聯賽僅得5勝3和18負，失波多達55球，全因不設降班制，先至有得繼續留喺澳職。可見中岸水手根本冇足夠實力喺呢項賽事立足，即使今場遇上「新軍」FC麥克阿瑟，恐怕亦難以招架。至於尾場直播戲碼，阿德萊德聯主場鬥墨爾本城，上季「三料亞軍」墨城首戰1比0擊敗布里斯班獅吼，保持水準；阿聯近3次對墨城未輸過，總入球全開3球或以上，首選入球大。（無綫85台周日下午3時05分直播）