愛華頓主場恰慣洛達咸愛華頓喺周六晚英足盃第3圈早場迎戰英冠代表洛達咸，兩軍最近一次交手係2018/19年球季英聯盃第2圈，當時「拖肥」憑卡維特利雲梅開二度及基菲爾施古臣入波，主場以3比1擊敗對手，兩人今季喺安察洛堤領軍下表現更上一層樓，今場隨時又有斬獲；至於目前排英冠尾2嘅洛達咸對上兩屆英足盃都喺第3圈輸波出局，其中2018/19球季作客曼城更淨吞7蛋，睇怕今場凶多吉少。