西甲:巴塞作客保守捱細界

巴塞作客保守捱細界今晚西甲焦點尚有CF格蘭納達主場硬撼巴塞隆拿。「地上最強」巴塞今季最大問題係客場出擊分外保守，令攻力下降導致頻頻失分，今仗造訪守強攻弱嘅CF格蘭納達，要破鐵桶陣唔容易，捧3.5球嘅入球細更上算。（Now632及611周日凌晨1時30分直播）巴塞今季被馬體會等前列分子甩開，最大死穴係客場腳軟，雖然周中補賽作客險勝畢爾包，但總計開咧後8場聯賽作客，其實只得4勝1和3負，當中7次開3球或以下，原因一來係破密集防守嘅板斧唔多，但最致命係主帥朗奴高文太過怕輸，經常排出4231陣式，希望先控制中場，卻造成得勢不得分嘅結局，最經典係造訪升班球隊卡迪斯，佔得逾8成控球率但輸1比2，認真羞家。CF格蘭納達防守硬淨另一邊廂，CF格蘭納達勝在夠實際，雖然今季16場聯賽只入19粒，係前7名球隊入球第2少球隊，攻力偏弱，但主場出擊特醒。CF格蘭納達開咧後8場聯賽主場，取得5勝2和僅1敗，只失9粒，其中有6場開3球或以下，包括以1比0擊敗西維爾，非常硬淨。加上雙方近4次聯賽碰頭，有3次總入球都係1球起、2球止，今場3.5球嘅入球細更值得捧場。