西甲:華拉度列回勇上盤派蝠利

華拉度列回勇上盤派蝠利今晚西甲壓軸尾場有下游搶分戰，華拉度列主場硬撼「蝙蝠兵團」華倫西亞。華倫暫時唔炒主帥查維加西亞，但佢哋連續8場聯賽不勝，加上財困唔慌買到人，球隊問題多多。相反華拉度列近況回勇，小讓平半不妨捧上盤。（Now632周一凌晨4時直播）近幾季華倫西亞嘅新聞，都離唔開內訌或財困，雖然佢哋日前喺西班牙盃大勝耶克拉諾4比1，但對手太弱賽果不足為據，計埋上輪賽和卡迪斯1比1後，「蝙蝠兵團」近8仗聯賽只得5和3負未贏過，主帥查維加西亞甚至被傳會炒魷，最終冇炒可能都係錢作怪，費事要賠錢。華倫財困冇錢增兵事實上，華倫財困情況未見改善，班主林榮福已落柯打，除咗工資外都唔會再「開水喉」，如果要買人就要先賣人，因此早前話想借熱刺中場哈利雲克斯，都係只聞樓梯響，依家冇晒聲氣，查維加西亞只能盡做。華拉度列最出名嘅，就梗係出任班主嘅「大哨」朗拿度喇，佢入主後連續兩季都護級成功，堅好腳頭，主帥沙治奧干沙利斯亦係「超級拉科」時期嘅一代重臣。雖然華拉度列開咧一度8場聯賽不勝，好彩前線嘅舒安韋斯文及馬高斯安達近期開始發威，協助球隊近9場聯賽，取得4勝3和2負，狂搶15分，佢哋依家只領先華倫2分，梗係想食住個勢，喺呢場「護級6分波」擊退勁敵，上盤值得捧場。