英超:狼隊攰爆細頂西布朗

狼隊攰爆細頂西布朗今晚英超頭場，狼隊主場對住尾2嘅西布朗。西布朗今季作客未贏過，火力疲弱係最大問題，不過狼隊周中快車輸波之餘，7日踢3仗體力輸蝕，未回到氣下主場遇弱亦不敢冒進，況且佢哋唔擅長主攻，2.5球嘅入球細最穩陣。（Now621及611周六晚8時30分直播）狼隊於周中快車以1比2輸畀愛華頓，依家喺聯賽已跌至14位。佢哋不嬲踢慣穩守突擊，面對強隊以高強度壓迫踢法，打斷對方進攻節奏，製造混亂而快速突擊入波，不過呢種踢法體力消耗大，喺頻密賽程以下未回得切氣。與此同時，射手魯爾占美尼斯又未好番，打突擊嗰陣嘅把握力遠遜前兩季，搞到面對刻意打密集防守嘅對手，狼隊往往顯得「老鼠拉龜」，以致整體成績大倒退，即使主場面對入球能力差嘅弱旅時，就算贏波往往「一球起、兩球止」，例如聯賽對水晶宮及富咸，分別贏2比0及1比0，預計今仗面對死守嘅西布朗，都會陷於苦戰。西布朗作客死晒火西布朗客場差勁，近7場聯賽作客只得3和4負，當中6場總入球唔多過2球，由於入球能力麻麻，作客只會死守，除咗首場作客慘敗畀愛華頓外，甚少被大炒，對住踢法被動嘅狼隊，領隊艾拿戴斯肯定唔會亂嚟，以1分為目標。何況狼隊近9場主場賽事，有7次開2球或以下，捧2.5球入球細最划算。