英超:錫菲聯遇強玩大佢 熱刺求反彈唔會縮

錫菲聯遇強玩大佢熱刺求反彈唔會縮英超周日晚錫菲聯主場迎戰熱刺，「包尾大幡」錫菲聯依家形勢水深火熱，仲想護級嘅話，必定要乘勝繼續搶分，今仗主場出擊唔會死守求和。錫菲聯早前喺英足盃拎到今季首場勝仗後，上場聯賽又一鼓作氣擊敗紐卡素，大大提升球員士氣，今仗繼續於主場鬥熱刺，預料戰情會較為開放，中位數2.5球嘅入球大值博。（Now621周日晚10時直播）錫菲聯今季表現走晒樣，開鑼至今只取得5分，敬陪末席。幸好佢哋上星期英足盃以3比2淘汰布里斯托流浪，拎到今季第一場勝仗，球員信心返晒嚟，周中主場迎戰紐卡素更主動出擊，全場圍住對手狂攻，最終如願再下一城。加上佢哋面對傳統Big6球隊都較為進取，雖然今季5次面對Big6均要輸波，但卻喺阿仙奴、利物浦、車路士同曼聯身上拎到入球，4場總入球開3球或以上。熱刺兵不滿巴利坐冷板另邊廂，熱刺擁有哈利卡尼同孫興民呢對全英超最強前鋒組合，可惜近期防守欠穩近6場英超只有1勝。陣前更傳出爆發內訌，英國傳媒指有部分主力認為加里夫巴利喺操練時，表現出色，應該獲得更多上陣機會，但領隊摩連奴卻故步自封，將呢位威爾斯國腳投閒置散，令球隊成績一直冇改善。估計今場遇上包尾嘅錫菲聯，摩佬或會「鬆手」畀巴利落場，以順應民意，而「大聖爺」亦會把握機會爭取入波，令開出入球大機會更高。