英超:韋斯咸以守代攻細盤最穩

韋斯咸以守代攻細盤最穩快車頭場有韋斯咸主場對西布朗，兩支踢傳統英式足球對碰，互相制衡之下，入波唔會多。韋斯咸近排入波都係邊路傳中或死球，遇着硬橋硬馬嘅西布朗無着數，不過「錘仔幫」防守夠集中，近4戰保持不失，西布朗想入波亦好難，睇嚟呢場波來球往格局，捧2.5球入球細好過。（Now621周三凌晨2時直播）莫耶斯同艾拿戴斯都係傳統英式足球領隊，踢法互相剋制。兩軍都有主要前鋒離隊，贏得英超12月份最佳入球嘅韋斯咸前鋒施巴斯坦賀拿，已經轉投阿積士，而西布朗射手查理柯士甸亦被外借到昆士柏流浪。西布朗攞1分都心足連同英足盃，韋斯咸近4場保持不失，防守做得唔錯，其中3場都係贏1比0，3球波都係來自邊路進攻，傳中後入波或製造混亂演化成入球，呢一套喺西布朗較難做到，因為西布朗後防硬淨，而且清波簡單利落，艾拿戴斯喺作客情況下，唔介意踢「擦鞋仔波」，務求攞1分亦心滿意足，今場相信入波唔會多，捧入球細啦！