英總盃:「白黑之戰」讓主抵玩

「白黑之戰」讓主抵玩英足盃第4圈有場「白黑之戰」，英超球隊白禮頓（圖）主場迎戰英甲嘅黑池，兩隊實力有極大距離，雖然白禮頓喺英超陷入降班危機，但佢哋今季整體演出並唔失禮，今晚喺主場迎戰「低兩班」嘅黑池，讓球主勝博得過。（周六晚11時開賽）馬奧比重拾射門鞋白禮頓目前排英超下游，但球隊戰鬥力其實頗為硬淨，近8場比賽只輸過2場，而且係面對阿仙奴同曼城2支勁旅僅輸0比1，可見「海鷗」能力並唔弱，球隊嘅主力前鋒馬奧比近期重拾射門鞋，呢位法國球星近6場賽事拎到3個入波，狀態有保證。白禮頓近6場英足盃主場取得4勝，今仗有力喺主場奏凱。作客嘅黑池喺英甲只排中下游位置，而且目前受到嚴重傷兵問題困擾，進攻中場基舒安達臣日前大腿嚴重受傷，做手術後已證實提早收咧，球隊次席射手基斯杜化咸美頓亦正養傷，加上借將丹甘普被韋斯咸回收出售，黑池戰力弱上加弱，要阻白禮頓晉級難度極高。