英超:紐卡素列斯聯鬥大 同級對手互撼去盡

紐卡素列斯聯鬥大同級對手互撼去盡周三凌晨英超仲有場中下游大戰，由紐卡素主場鬥列斯聯。紐卡素自去年12月後，已經有10場未贏過波，領隊布魯士深受壓力，遇上同級球隊冇得再縮，要全力喺對方身上搶分；列斯聯有前無後踢法冇變，近5場作客全開3球或以上，今場2.5球入球大要追捧。（Now621周三凌晨2時直播）就咁睇賽績，紐卡素連盃賽10場不勝確係幫唔落，不過，其實當中有7場係作客，呢樣一向係「喜鵲」弱項，尤其最近4場全部作客，走勢向下係情有可原，其餘3場主場佢哋其實獲2和1負，包括1比1逼和富咸、同利物浦互交白卷同僅敗1比2畀李斯特城，今場面對列斯聯，唔係冇得鬥。紐卡素領隊布魯士帥位危危乎，不過佢係英超老江湖，執教生涯不知遇上幾多次呢啲危機，有壓力咪贏番1、2場吊命，佢哋首循環作客列斯聯輸2比5，但起碼都入到波，今場專心搶攻要入波唔難。列斯聯加雲菲臘斯復出列斯聯近況亦一般，不過佢哋極富娛樂性嘅踢法，受到唔少「開大球迷」歡心，尤其作客更甚，球隊近5場作客全開3球或以上，今場列斯聯更有加雲菲臘斯復出，加強轉守為攻嘅能力，有望同紐卡素上演入球騷。