英超:阿仙奴報仇要小心 事隔數日再訪修咸頓

阿仙奴報仇要小心事隔數日再訪修咸頓周三凌晨英超再演修咸頓對阿仙奴好戲，兩隊上周六喺英足盃交鋒，結果半力出擊嘅兵工廠以0比1輸波出局。事隔數日再喺同一個球場對撼，相信阿仙奴會派遣強陣，回復連續4場聯賽零失波嘅「銅牆鐵壁」，2.5球入球細值得再追。（Now621及611周三凌晨4時15分直播）先講客隊阿仙奴，佢哋近期喺聯賽全面回勇，喺伊美路維、布卡約沙卡等小將刺激下，進攻大為改善，連帶奧巴美揚同拿卡錫迪都交到貨。雖然兵工廠啱啱喺英足盃出局，但嗰場領隊阿迪達留力收起伊美路維同隊長奧巴美揚，結果出事，今次轉戰英超，估計「達Sir」唔會再次輕敵，會用番最強陣容，進襲「聖人」。至於防守上，「兵工廠」近4場聯賽未失1球，洛賀丁、大衞雷斯表現穩定，雖然加比爾馬加希斯喺英足盃「擺烏龍」累輸波，但嗰場佢係啱啱復出，實在情有可原。相信今仗呢位巴西中堅會踢得更小心，變相令阿仙奴嘅防線更加硬淨。「聖人」續用穩守突擊另邊廂，主隊修咸頓今季成績超乎預期，聯賽排名比起阿仙奴更高，「聖人」最大賣點係穩守突擊戰術，但自從王牌射手丹尼艾格斯先受傷、後隔離，近期再爆出拒絕續約希望離隊風波，大大打擊入球能力，搞到佢哋近5場聯賽只入過1球，好彩穩健防守未有走樣，先keep得住喺中游，亦令球隊近6場聯賽總入球全開2球或以下，預料今仗唔會有改變，捧細盤為明智之選。