英超:修咸頓做東歎私房菜

修咸頓做東歎私房菜今晚英超尾場，修咸頓主場鬥阿士東維拉。「聖人」今季主場表現出色，近4場主場獲3勝1負，加上近7次對賽錄得6勝1和壓倒性優勢，擺明格食格，簡單要主勝。（Now621周日凌晨4時直播）維拉近況跌Watt修咸頓上月曾一度陷入低潮，但踏入2021年後重拾狀態，近4場主場贏3場，包括聯賽擊敗利物浦，及英足盃力挫阿仙奴。「聖人」喺呢兩場同樣上半場已經領先，並一直守住勝果至完場，表現攻守兼備，佢哋季初亦曾喺主場贏過另一實力球隊愛華頓，可見主場確有威力。維拉季初係威係勢，但踢法被對手洞悉後無以為繼，近期頻頻失利，近5仗僅錄得1勝4負，包括上場聯賽2比3不敵護級分子般尼，信心盡失。佢哋太依賴中場基亞利殊支撐大局，一旦被對手凍結，就難以組織攻勢。再者維拉以往遇上修咸頓，都受制於對手，近4次對賽維拉全敗共失13球，堪稱修咸頓「私房菜」，今場宿命難違，一於捧主勝。