澳職:水手半和等收城 賽程頻密焗慢打

水手半和等收城賽程頻密焗慢打今日澳職賽事中岸水手主場迎戰墨爾本城，中岸水手開季演出令人眼前一亮，不過呢支上季包尾球隊陣容深度始終不足，目前正進行8日內踢3場嘅頻密賽程，踢法上肯定有所保留，以「慢打」戰術保留體力；墨爾本城今季演出飄忽，狀態仍有待提升，作客唔敢輕率進攻，開半場和機會極高。（周三下午4時05分開賽）墨城攻擊點少中岸水手今季加入保沙歷等新球員後，表現明顯好轉，不過球隊啱啱展開8日內踢3場嘅地獄賽程，上仗不敵威靈頓鳳凰後，休息3日即喺今仗鬥墨爾本城，星期日又要出戰西部聯，今場勢必要作出輪換，可唔可以保持戰鬥力頗成疑問。水手本來板櫈深度就唔夠，近期更有中場祖殊尼斯畢養傷，上場再有丹尼爾保文拉傷大腿，密集賽程下難以保持高強度嘅壓逼戰術，今仗勢必改踢穩陣波，先求做好防務。墨城開季4仗2勝2負，球隊喺前鋒納博特受傷，同英格蘭左翼格力洛尼缺態下，進攻幾乎只係靠占美麥卡倫單天保至尊，攻擊點不足容易被中岸水手防範。佢哋今季踢法偏向慢熱，近4場聯賽有3場喺上半場同對方打成平手，兩隊近期都經歷敗仗，需要逐步重建信心，上半場或以試探為主，半場和值得支持。