英超:連格助拳韋斯咸明恰富咸

連格助拳韋斯咸明恰富咸周日凌晨英超有場倫敦打吡，富咸主場鬥韋斯咸；富咸近況冇起色，相反韋斯咸愈戰愈勇，由曼聯借用嘅連格首次上陣即交到功課，整體表現更上一層樓，加上韋斯咸近3次鬥富咸全部贏晒，客W值得支持。（Now621周日凌晨1時30分直播）富咸頹爆近11場未贏過富咸上場主場淨吞李斯特城2蛋，近11場聯賽7和4負，佢哋對上5場聯賽主場只入1球，唔識入波係未能搶分嘅致命傷，佢哋依家落後尾4嘅般尼8分，先唔講爭上岸，就連排喺後面嘅西布朗、錫菲聯近期表現都比佢哋好，再咁落去相信富咸好快就會畀兩隊過頭，護級前景更加悲觀。韋斯咸上周中雖被利物浦終止6連勝走勢，不過上場作客阿士東維拉憑新兵連格梅開二度，以3比1擊敗對手全取3分，極速反彈，呢名曼聯借將重投莫耶斯旗下表現如魚得水，配合米查利安東尼奧、查洛保雲及湯馬士蘇錫安等原有猛將，要衝擊歐洲賽資格絕對不是夢，何況韋斯咸近3次聯賽鬥富咸保持全勝，兩軍現時狀態一升一跌，富咸想贏番次唔係咁易，韋斯咸客W可放心捧場。