曼城鬥利物浦　要挑戰兩大紀錄曼城將於周一(8日)凌晨英超作客利物浦，今場對於雙方爭標都非常關鍵，其中曼城仲要挑戰兩大紀錄。首先，「藍月亮」由上年12月中英超作客擊敗修咸頓之後，已經保持各項賽事13連勝，追平阿仙奴2002年8月創下嘅英超球隊最長連勝紀錄，換言之，曼城只要今場贏波，就可以刷新紀錄。另外，曼城自2002/03年球季之後，作客利物浦，都贏唔到，難得紅軍近期狀態低迷，主場2連敗，曼城要打破宿命，就要好好把握今次機會。