修咸頓主場迎狼追半和周日晚英超早場上演修咸頓主場鬥狼隊，兩軍上周中於英足盃第5圈交手，修咸頓憑下半場2個入波，作客以2比0將狼隊踢出局，今次主客互調，作風保守嘅狼隊相信會繼續以守行先，首選半場和。（Now621周日晚8時直播）修咸頓上場英足盃對狼隊雖然贏波，不過未開紀錄前形勢其實均等，勝負分野只係修咸頓射手丹尼艾格斯埋門把握力較佳；修咸頓之前分別以0比9、2比3輸畀曼聯及紐卡素，聯賽累積5連敗，單計上半場5場已失咗11球，就算返主場相信都唔敢過於搶攻。狼隊習慣以靜制動狼隊英足盃出局後可專心聯賽角逐，佢哋近4場聯賽1勝2和1負，先後打和車路士、李斯特城及擊敗阿仙奴，表現唔曳，而且單計上半場，佢哋對上6場有5場冇失波，近5場全開半場和，踢法以靜制動，預計今場亦會穩陣為上，續追半場和。