英超:李斯特城迎西布朗做大事

李斯特城迎西布朗做大事今晚英超有場獨腳戲，李斯特城主場鬥西布朗；「狐狸」雖然啱啱殺入英足盃決賽，不過聯賽前4位置未算穩陣，今場唔可以放鬆；西布朗護級水深火熱，嚟緊每場都要當決賽踢，睇番兩隊近8次聯賽交鋒有6次開3球或以上，一於捧2.5球大盤。（Now621周五凌晨3時直播）伊恩拿祖近7場轟10粒李斯特城上場英足盃4強以1比0小勝修咸頓，相隔52年殺入決賽，不過佢哋聯賽接連輸畀曼城及韋斯咸，依家比第4及第5位嘅車路士、韋斯咸只多1分，就連排第7嘅熱刺亦只係少佢哋6分，一個唔覺意隨時連歐霸資格都冇埋，現階段仍要積極搶分。上場一箭定江山嘅尼日利亞射手伊恩拿祖近7場勁轟10粒，腳風順到冇朋友，配合近期頻有助攻嘅占美華迪更加如魚得水。西布朗近兩場聯賽先後大勝車路士及修咸頓，擸盡6分後護級露出微些曙光，現時比尾4嘅般尼少9分但少踢一場，想成功護級作客冇得揀照攻。兩軍近8次聯賽交手主場一方從未試過贏波，唔排除西布朗今場有搶分機會，睇番上述8次交鋒，兩軍一共合力炮製28球，6次開3球或以上，今場捧大最穩陣。