皇馬讓主斬瓜「切」菜

皇馬讓主斬瓜「切」菜  
 
皇家馬德里已經火力全開，今晚西甲喺主場迎戰弱旅艾爾切，相信又係另一個派蛋俾對手嘅場合，正所謂寧買當頭起，銀河艦隊無論讓幾多都要捧場，足智彩開讓球主客和，買「讓主」等收錢就係咁簡單！（周二28，now632台周三2:00am直播）

喺上場西甲怒炒拉科魯尼亞8:2，基斯坦奴朗拿度大演帽子戲法，加里夫巴利同埋查維亞靴南迪斯亦分別梅開二度，連近日被批評唔適合皇馬嘅占士洛迪古斯都有建樹，呢班球星確實火力全開，正所謂寧買當頭起，今晚冇理由錯過皇馬。

拉科防線差捧切爾達

艾爾切上場西甲喺自己地頭淨負升班馬伊巴0:2，表現令人失望，加上佢哋今屆試過作客巴塞輸3球，對強隊擺到明冇乜計仔，何況中場主力查路占美尼斯因傷續掛免戰牌，是役造訪班拿貝睇怕要捧幾隻蛋，阻唔到「讓主」大熱開出。
同日西甲仲有切爾達主場對住拉科魯尼亞，主隊切爾達開季後保持1勝3和不敗佳績，拉科就剛慘敗予皇馬，球員士氣同埋信心都跌到落谷底，防線要改善亦唔係一朝一夕，捧切爾達「讓主」好分。（周二63，now632台周三4:00am直播）