拿玻里客勝必「薩」   真係估唔到賓尼迪斯去到意甲都有被炒危機，好在今晚由佢帶領嘅拿玻里只係作客未贏過波嘅薩斯索羅，手握重兵都贏唔到抵俾人炒啦！（周日18，無綫網絡電視301頻道周日6:30pm直播） 開季薩斯索羅就要對住國米、費倫，仲未打開勝利之門都係情有可原，問題係經過4輪聯賽只入1球就好難交代到，都幾難威脅到其他對手。當然拿玻里亦係令到球迷非常失望，不過佢哋陣中始終都仲有希古恩、米捷、約拿芬迪根斯文，同埋咸錫等人幫手，要開稍為熱、得嗰1.67倍嘅客勝應該冇咩難度，睇嚟賓尼迪斯仲可以憑住呢場勝仗吊命。