澳職:水手穩陣波半和有機

水手穩陣波半和有機今日下晝澳職上演「F3公路打吡」，中岸水手主場對紐卡素噴射機。中岸水手今季一度雄霸榜首，但季尾跌Watt，依家最重要係保住3哥位置，雖然水手攻不銳，好彩仲叫做守得住，相信紐卡素噴射機亦未必可以入到佢哋波，水手近4場有3次開半場和，值得追多一口。（周二下午5時05分開賽）水手同噴射機一隊係聯賽3哥，一隊係包尾，但「F3公路打吡」一向都好緊湊，近6次交手2次打和，其餘4場都係1球距離定輸贏，水手稍一不慎就會失分，影響季後賽部署。水手目標係保住聯賽第3位置，希望喺季後賽拎到較佳賽程同主場優勢。近4場全開半和不過水手近期狀態飄忽，近6場聯賽只有2勝2和2負成績，最大問題係入球能力不足，射手烏連拿已連續4場食白果。好彩水手防守力都唔差，對上4場比賽只失過2球，而呢4場亦全部開出半場和，當中3仗半場打成0比0。紐卡素噴射機排包尾，比多踢2場嘅墨爾本勝利少4分，唔想墊底就要努力搶分，可惜佢吔入球能力不濟，只識死守，遇着進攻死火嘅水手，半場打和機會極高。