捧伊拉克上盤驅「韓」  亞運男足去到4強階段，頭場伊拉克對住北韓絕對係勢均力敵之戰。兩隊波由分組賽到8強都全勝，但伊拉克過程中稍見霸氣，維持到場場最少入3球之外，亦贏到日本同沙特阿拉伯等強手；相比之下，北韓晉級過程中冇乜遇過考驗，上輪僅勝阿聯酋1:0比賽更好似開始出現壓力，初盤伊拉克讓平半、半球，捧上盤驅「韓」。（周二1，有線61及201台周二4:00pm直播） 另一場東道主南韓會鬥泰國。南韓喺對香港時顯示唔係好識破密集，但上輪贏到日本肯定令一眾球員士氣大振；再講，泰國由分組至今都係全勝，場場最少入兩粒亦證明係一支鍾意進攻嘅球隊，唔會死守有利主隊入決賽，爭取免服兵役。（周二2，有線61及201台周二7:00pm直播）