曼城讓多搏“拉”

曼城讓多搏“拉”

打贏利物浦，跟住連吞阿仙奴與車路士三蛋，阿士東維拉今晚繼續“死亡賽程”第四關，主場迎戰衛冕嘅曼城。維拉要避免再一次遭到大敗，首先必須加強防守力，以守為攻才是上策，如果與曼城對攻的話，等於自取滅亡。

周中歐冠賽和羅馬後，曼城近七戰只得兩勝三和兩負，狀態依然處於調整期，但以人腳班底及質素，曼城今仗仍可睇高一線。不過讓超過一球或以上，咁又太過睇低主人家，話晒維拉上季主場曾經殺退對手，所以初盤開出曼城要讓一球／球半，寧揀維拉輸波唔輸多。

兩場波失六球，維拉條防線的確需要檢討，尤其位置上包抄及中後場截擊力明顯不足。經過兩場教訓後，相信領隊林拔會加強力度，始終曼城鋒力非同小可。

拿斯尼因傷缺陣，中場核心Y杜尼仍未回復最佳水準，間接影響球隊整體發揮，導致近期戰績有所回落。不過維拉唔好得去邊，曼城應可以質取勝，問題係可否贏到兩球或以上，似乎贏波輸盤的機會比較大。推介：曼城2：1