士砵亭客和最「拿」手 兩支開季不敗強豪巴塞及祖雲達斯，齊齊喺歐聯初嘗敗仗，當中巴塞對聖日耳門輸2:3，就真真正正睇到問題所在，首先佢哋中場一受壓防守力不足問題就盡現；早年當沙維當弗下，拍布斯基斯經常做到前後包抄作用，但佢依家活動範圍大減，布斯基斯亦非腳程快嘅防中，巴塞一被反擊中場回防速度又不足，尤其聖日耳門坐擁馬度迪以及卡比耶等一級防中，互碰之下高下立見睇嚟球隊之後都要諗諗呢個位置問題。 今晚葡超都有支戰畢歐聯嘅士砵亭出場；士砵亭今季成績雖然麻麻，但嚴格講只輸過一場俾車仔，主場對波圖作客對賓菲加都打和，實力同上季冇大上落，只係狀態未起，不過佢哋個新教頭施華冇咩料到，今季幾次領先玩龜縮失分，咁好路，就博呢注「客和」。（周六74，有線155台周日3:15am直播）