淘汰賽冇貨交追恩莫比尼「被換出」2021/07/11雖然意大利殺入決賽，但欠缺一名穩定嘅數胡人物，領隊文仙尼信任3奪意甲神射手嘅恩莫比尼，不過呢位效力拉素嘅前鋒，分組賽頭兩場入波之後，去到淘汰賽階段，面對強敵就無以為繼，特別項目連續3場開出「被換出」。除咗踢法被摸透，恩莫比尼只有1場無關痛癢嘅分組賽獲得休息，消耗極大，面對踢法硬淨嘅英格蘭未必能有進帳，決賽好大機會再次「被換出」。