英超:兵工廠大盤有着諾

阿迪達保帥位至於今晚英超另一焦點，就有「包尾大幡」阿仙奴喺主場迎戰另一「零分球隊」諾域治。「兵工廠」領隊阿迪達賽前收到最後通牒，連同今仗在內要取得3連勝，先可以保住帥位，估計阿仙奴必盡地一煲搶攻，可惜佢哋防守錯漏百出，寧捧2.5球嘅大盤。（Now623周六晚10時直播）阿仙奴今夏花超過1.5億鎊增兵，球隊爭勝壓力亦大增，挪威中場馬田奧迪加特回歸後主場首演，加上在世盃外為英格蘭取得入球嘅布卡約沙卡已經上力，阿仙奴鋒線仍擁極強威力。不過，「兵工廠」今季改踢高位逼搶效果一般，3場失9球嘅防線難予人信心。諾域治開季硬仗連場，面對利物浦、曼城及李斯特城全敗兼失10球，同兵工廠一樣防守差勁，不過「金絲雀」喺英聯盃亦曾以6球大勝般尼茅夫，可見球隊並非全無攻力。預計今場係入球大戰，諾域治近4場賽事總入球全開3球或以上，必捧入球大。