岡薩多旺開半場和|東方日報

日職頭場神戶勝利船主場迎戰北海道札幌岡薩多。勝利船位列榜下游，當務之急係盡快止跌，做好防守；岡薩多剛經歷大敗，今仗會變得謹慎，而且佢哋近4仗聯賽作客3次開半和，再追。（周日中午12時05分開賽）

勝利船先做好防守
勝利船季初連場失利，主帥三浦淳宏於3月中被辭退，改由前清水心跳主帥洛天拿執教，期間又有亞冠盃作緩衝，球隊才有喘息機會。亞冠盃後首仗主場賽事，勝利船4比0大勝鳥棲砂岩，打開今季聯賽勝利之門，恩尼斯達、武藤嘉紀、汰木康也、大迫勇也都有水準演出。不過勝利船問題在於後防不穩，聯賽15戰失21球，今仗必先鞏固防線，伺機攻擊對手搶分。

岡薩多近兩仗作客曾以1比4大敗予鹿島鹿角，之後又以2比1擊敗磐田山葉，上周中主場1比6大敗於柏雷素爾腳下，今仗自然會更加小心，既然佢哋近7仗開5次半場和，值得再追。