聽朝美聯盃8強上演「紐約打吡」，由紐約紅牛主場火併紐約城。紐約城近期防守大有改善，面對同市宿敵，一班守將必定打醒十二分精神，戰況隨時陷入膠着，2.5球入球細值博。（周四早上8時開賽） 紐約城新中堅對辦 上季首度奪得季後賽總冠軍嘅紐約城，今季再接再厲，力爭囊括各項錦標，其中當然包括美聯盃。佢哋4月喺中冠盃出局後，可以專注番本土賽事，表現亦有好轉，近兩場作客全勝之餘，同樣能保住清白身，其中新加盟嘅巴西中堅堤亞高馬田斯般奴表現對辦，令防線全面提升。 今屆美聯盃由第3圈打起嘅紐約紅牛，先後淘汰華盛頓聯隊同夏洛特FC兩支美職球隊，充滿說服力。佢哋上場美職主場淨勝FC多倫多兩球，防線亦冇乜畀到機會對方。加上兩軍相當熟路，近3次交手全開2球或以下，今仗入球唔慌多，入球細屬心水推介。