今晚歐聯附加賽次回合，葡超賓菲加主場再戰基輔戴拿模。首回合賓菲加作客領先2比0，有本錢踢番最擅長嘅穩守突擊；基輔鋒力薄弱，形勢上要焗攻更惡劣，預計賓菲加呢個出線席位睇定嚟食，2.5球入球細值得支持。（Now 643周三凌晨3時直播） 賓菲加首回合憑基拔圖同干卡路拉莫斯上半場入波，早早領先兩球，之後加強防守令基輔束手無策，順利取得優勢，今仗大可照辦煮碗。 其實兩隊上屆歐聯分組賽已經同組，兩循環戰果分別為0比0及賓菲加贏2比0，近5次對賽全開2球或以下。基輔為求出線焗住要攻，可惜佢哋鋒力疲弱，近6場歐聯法定時間全開2球或以下，今場細盤相當穩陣。