西甲今輪大戰，西維爾主場鬥巴塞隆拿。巴塞一眾新兵表現對辦，鋒線充滿威力，但咁樣反而令西維爾更專心防守，雙方近5次聯賽交手全開2球或以下，今仗極可能少交收，宜向2.5球入球細埋手。 （Now 632周日凌晨3時直播） 巴塞今季鋒線火力大升級，羅拔利雲度夫斯基連續兩仗聯賽梅開二度，包括對華拉度列一記「後腳拉西」入波技驚四座，後防方面則有祖利斯古迪轉會後倒戈，將為巴塞提供敵軍情報。 西維爾今季出閘脫腳，頭3仗僅得1分，主帥盧比迪古別無選擇，必定擺出鐵桶陣力抗巴塞來犯。留意番歐聯分組賽開鑼在即，雙方嚟緊賽程都好頻密，聯賽肯定有所保留，今仗入球細值得考慮。