曼城半場大轟炸賓福特|東方日報

曼城同阿仙奴喺英超爭持激烈，每場比賽都不容有失，「藍月亮」周六早場主場迎戰賓福特，誓要全取3分向阿仙奴施壓。曼城上星期絕殺富咸，將聯賽主場連勝走勢增加至11場，上半場搶攻踢法一直行之有效，面對防守不濟嘅賓福特有望盡早立威，捧1.5球半場大穩陣。

（Now 621及611周六晚上8時30分直播）

曼城今季繼續保持超穩定狀態，近7場聯賽6勝，聯賽主場更加連贏11場，當中近7仗上半場總入球全開2球或以上，早段搶攻往往令對手難以招架，今場唔會改變成功踢法。艾寧夏蘭特上輪復出即入波，呢位挪威前鋒未有機會出戰世盃決賽周，今仗會毫無保留爭取士哥，曼城火力更有保證。

賓福特作客早段例失魂
賓福特近期演出令人失望，近4場聯賽3和1負，對上7場聯賽作客更加未逢1勝，而且賓福特作客比賽早段例失魂，近3場聯賽作客都係先落後嗰隊，半場全開2球或以上，今仗面對霸氣十足嘅曼城，上半場穩開1.5球嘅入球大。