科娜 ：車仔阿仙奴強勢主導

拆禮物日倫敦打吡雙響炮
今日係Boxing Day，亦係英超快車第二站。首都倫敦有兩場打吡戰上演，「一哥」車路士同阿仙奴齊齊喺主場出擊，分別迎戰韋斯咸同昆士柏流浪，兩支Big4勁旅實力同近況俱佳，即使讓波仍然值得捧場，各位《東方波經》可以考慮讓球主勝好事成雙，開開心心「拆禮物」！

寸王揸旗 扑錘有保證
車仔今晚喺無敵主場迎戰同市細佬韋斯咸，車仔領隊莫連奴喺拆禮物日領軍從未輸過，「錘仔幫」作客又唔係勁，1.8倍讓球主勝值得支持。

（now 621周五晚8時45分直播）

車路士今季真係勁有冠軍相，雖然月初被紐卡素打破不敗身，不過好快就反彈，近4戰全勝之餘，仲要場場都贏兩球，成為聖誕冠軍，係捧盃吉兆。戰術大師莫連奴係「Boxing Day之王」，教「車」以來未試過喺拆禮物日輸波，簡直就係車迷嘅聖誕老人。排喺英超第2位嘅曼城依家發力追「車」，車仔只有3分優勢，估計莫帥唔想畀曼城追貼，今場都會夫添出擊，上場傷出嘅夏薩特今場應可上陣，拍住法比加斯、奧斯卡杜斯山度士、尼曼查馬迪等，呢條黃金中場線可以繼續橫掃。

韋斯咸往績輸晒
韋斯咸踢咗半季竟然仲可以留喺前4，主要係靠超強主場，可惜佢哋作客成績好一般，輸過畀曼聯、愛華頓等名牌，對住新特蘭、侯城等護級球隊都贏唔到，而且「錘仔幫」近4次作客史丹福橋球場輸咗3場，而且每次都要輸兩粒或以上，今場又有中堅湯堅斯因傷上陣成疑，受讓一樣冇着數，都係捧番讓球主勝最正路。