阿占：勝利反彈博讓主啱素

搵噴射機出氣
今個星期六罕見冇乜波睇，好彩仲有澳職玩下，由墨爾本勝利主場迎戰紐卡素噴射機。墨爾本勝利上星期被打破今季不敗之身，佢哋話明大踢爭氣波，中場卡爾華拿里、布洛斯咸同賓卡法拿都要靠今仗證明自己，紐卡素噴射機隨時變成出氣袋，一於博2倍「讓主」好過！

（有線64及203周六下午4:30直播）

一眾中場搏表現
墨爾本勝利上場喺打吡戰爭議性輸波，不敗身被破但表現其實唔差，雖然突尼西亞進攻中場賓卡法拿1個月前加盟後表現一般，不過佢老婆同6歲囡囡上星期已飛去澳洲陪佢住，相信可以加快呢位好波之人適應新環境，嚟緊當然要喺球場上表現身價啦。

今季表現突出嘅另一中場卡爾華拿里，啱啱落選澳洲嘅亞洲盃大軍，唔少球迷都戥佢唔抵，卡爾華拿里最好嘅回應就係球場上用表現反擊。由於中場核心米利根繼續停賽，「通天老倌」布洛斯咸亦講到明會爭取機會騷哥利。

噴射機往績輸蝕
墨爾本勝利個個都含住啖氣要證明自己，今場絕對係反彈好時機，事關作客嘅紐卡素噴射機今季演出低迷，而且近6次作客墨爾本勝利輸咗4次，可以話係墨爾本勝利嘅私房菜呀！

頂占筍盤：墨爾本勝利（讓球主勝）