SAMVO肥叔：水晶宮炒領隊難擋QPR

英超大開快車，球迷有假放又有波睇，想過癮自然會賭番兩手，好似「拆禮物日」嘅投注額相當唔錯，成班伙記都忙到甩轆，不過都係散戶為主，反而大戶冇乜出手，始終外國人對聖誕節非常重視，況且成季流流長，趁住佳節叉叉電乃人之常情。肥叔呢個假期冇出街同人逼，留守屋企專心度波，今日推介昆士柏流浪（QPR）主場對水晶宮，客隊啱啱炒咗領隊禾諾克，主隊小讓平半捧得過。

（now 632周日晚11時直播）

禾諾克成今季第一人
QPR主帥夏利列納係老江湖，深明帶弱旅要識揀波踢，因此作客就盡力而為，上仗客戰對阿仙奴，明知冇得打就無謂太搏，但返主場就搶得就搶，今戰「難兄難弟」水晶宮，呢場護級「六分波」不容有失，兼且對手領隊禾諾克因為成績差成第一個英超被炒領隊，QPR小讓平半合理，上盤有買趁早。尾場紐卡素主場火併「拖肥糖」愛華頓，「喜鵲」早前連敗退晒熱，唔使讓波值博。

（now 621周一凌晨零時15分直播）

大戶動向

肥叔縱橫足球博彩界多年，先鋒地位誰可代替？更摸清各路大戶投注取向，市場動態盡掌握！