阿仙奴2023頭炮收禮|東方日報

2023年英超頭炮，白禮頓主場硬撼阿仙奴。白禮頓近4場聯賽3勝1負，但水準唔算穩定；榜首阿仙奴近5場聯賽作客4勝1和，完全唔受客場比賽因素影響，「兵工廠」為爭標勢必使出渾身解數，小讓平半上盤抵玩。

（Now 621及611台周日凌晨1時30分直播）

白禮頓今季曾經擊敗曼聯同車路士，但亦試過主場被諾定咸森林守和，水準飄忽，而且球隊防線脆弱，就算近4場英超贏3場，但都合共失咗6球，今場更有防守中場摩西斯卡些度停賽，遇上大勇嘅阿仙奴，睇怕捱打居多。

兵工廠聯賽場場有波入

阿仙奴雖有前鋒加比爾捷西斯長抖3個月，但上仗「倫敦打吡」落後下，仍以3比1反勝韋斯咸，韌力十足。布卡約沙卡、加比爾馬天尼利及尼基迪亞均有入波，證明球隊火力依然。事實上佢哋今季15場聯賽場場都有波入，由於曼城及紐卡素步步進逼，阿仙奴為保持優勢必定搏盡，上盤屬不二之選。