英超護級大戰，包尾嘅修咸頓主場迎戰排尾3嘅諾定咸森林，呢場6分波直接影響兩隊護級命運，雙方肯定希望踩住對手向上爬，預料會以進攻踢法爭拎3分，今場開2.5球入球大高唱入雲。■（Now 624周四凌晨3時30分直播） 聖人近4仗狂失12球 「聖人」修咸頓今季表現令人失望，季初就將領隊夏辛侯迪炒魷，但尼敦鍾斯接任並冇太大改變，上仗作客1比2輸畀富咸，喺英超已經錄得5連敗。佢哋最大問題係防守極差，近4場聯賽狂失12球，總入球全開3球或以上，就算禾達普斯嘅死球再準繩都救唔番。 諾定咸森林上仗主場1比1逼和車路士，延續主場嘅回勇表現，但去到作客都係中門大開，近6場聯賽作客1和5負，平均每場失超過3球。兩支護級球隊嘅防線都弱不禁風，今場又想搶攻爭護級關鍵3分，如無意外會盡情駁火，2.5球入球大穩開。