馬天尼斯為咗份工必搏 今晚英總第3圈有場英超戲碼上演,由愛華頓主場撼韋斯咸。「拖肥糖」近況頹到爆,領隊馬天尼斯嘅前途更盛傳亮起紅燈,不過「錘仔幫」亦唔好得去邊,兩大進攻猛將迪亞法沙高同高耶迪去咗備戰非國盃,火力大減,一於
馬天尼斯為咗份工必搏 (now621、633及660台周三凌晨3:45直播) 「拖肥糖」上季喺馬天尼斯帶領下,踢得有聲有色,以第5完成賽季,差啲就踢到歐聯,馬天尼斯仲因為咁而得到5年新約添。可惜班波今季表現無以為繼,跟同市死敵利物浦一齊沉淪,近期仲遭逢4連敗,聯賽排名跌到中下游位置。英國《每日電訊報》日前爆料,話愛華頓高層已經對馬天尼斯失去耐性,今場再有咩三長兩短的話,佢嘅帥位就真係危危乎啦。 兩大猛將踢非國盃 韋斯咸鋒力疲弱 |