冧莊金球獎 C朗撻着認真Mode「睇住呀!」皇家馬德里巨星C朗拿度日前喺蟬聯金球獎後「大叫叔」上身,喺頒獎台上突然大叫一聲,成為全球焦點;佢攞獎冇耐更喺facebook上載操練相,擺明同全世界講即使攞咗獎都唔會鬆懈。周五
冧莊金球獎 C朗撻着認真Mode (now 632周五凌晨3時直播) 眾所周知C朗係極愛面子嘅球星,非常睇重榮譽同獎項,日前佢終於得償所願冧莊國際足協金球獎,不過總係有人覺得佢唔配攞呢個獎;好勝嘅C朗當然想用超凡表現叫呢班反佢嘅球迷收聲,今場既為矚目嘅「馬德里打吡」,皇馬更有出線危機,首回合作客輸畀馬體會0比2,成個反擊舞台已經搭好晒,造就機會畀C朗以救世主姿態拯救「銀河艦隊」,睇怕早排畀人鬧爆獨食嘅加里夫巴利今場唔傳波畀C朗都唔得,話晒人哋係堂堂金球獎得主喎! 馬體會鋒將把握力超強 況且馬體會唔係冇進攻人才,佐治高基、阿達杜倫同基沙文個個都獨當一面,前鋒文迪蘇傑把握力更係超強,「銀河艦隊」好可能顧得前嚟顧唔得後,今場捧入球大啱數。 |