黃興桂：修咸頓鬥喜鵲 博佢冇交收

唔經唔覺已踢到季中，能夠符合「蔗渣價錢燒鵝味道」嘅球隊，當然係季初賣晒成班主力，但依家仍位列前三嘅修咸頓喇，上周作客勇挫星光熠熠嘅曼聯有辦你睇，來季真係極有機會亮相歐洲賽場。

不過，今仗佢哋要作客東北「地頭蟲」紐卡素係一個考驗，眾所周知聖占士公園球場不嬲都令客軍膽怯，絕對唔易啃，Peter認為今仗係由主帥朗奴高文率領嘅修咸頓試金石，若果能全身而退已經收貨，不妨扒逆水博高回報嘅0比0波膽。

名牌3串1咪嫌熱
至於同晚另外有三場Peter覺得比較乏味嘅英超，分別係曼聯作客昆士柏流浪、車路士作客史雲斯及熱刺主場對新特蘭，由於球季已經進入關鍵時刻，三支名牌曼聯、車路士同熱刺現時各有目標，帶頭嘅車仔當然為爭標而戰，而紅魔同熱刺就全力搶入前4爭歐聯入場券，今仗唔會再大意失拖，唔嫌太熱，整條3串1都OK?！

金句：一句講晒作客紐卡素，朗奴高文修咸頓試金石