歐國盃U21終於完美落幕，英格蘭以零失球全勝姿態奪冠，實在可喜可賀，當中當然不得不讚下我愛隊利物浦青訓出身嘅居迪斯鍾斯射入關鍵一球，助「幼獅」稱霸。 提起利物浦，上季成績令球迷失望，當中最大嘅問題就是中場老化，踢不出高強度嘅逼搶引致，有見及此，利物浦已快速簽下兩個新中場球員，先簽超值嘅麥亞里士打，再簽新鮮滾熱辣嘅蘇保斯拉爾，前者在世界盃和前球隊都已充分表現出佢嘅身價，後者相信大家無咁熟悉，經小妹一輪搜索，發現佢正正係球隊缺乏有遠射能力嘅中場球員，中前場都踢過，而且年輕有活力，來季真係好期待呢兩名新嘅中場球員和鍾斯會有乜新嘅火花或者驚喜帶畀大家。Ling Ling