近期利物浦迷最關心嘅，當然係我哋嘅「神軒」佐敦軒達臣即將離隊嘅新聞，自從「神奇隊長」謝拉特宣布執教沙特伊蒂法克之後，曾表示計畫引入佐敦軒達臣呢個前利記隊友，最近更加傳出伊蒂法克加碼至70萬鎊的超高周薪吸引我們隊長。 上篇講過利物浦最近花費9,500萬鎊引入阿歷斯麥亞里士打和蘇保斯拉爾兩名中場球員，再加上右閘阿歷山大阿諾特在季尾充當中場協助策劃進攻效果不錯，今季有機會繼續擔任中場，軒達臣嘅正選中場位置未必保得住。 身為利迷，真係好感激軒達臣一直以來嘅付出，如果可以，當然希望佢可以喺晏菲路退役，但現實相信唔容許呢個幻想成真，來季中場如果真係沒有適合「神軒」嘅位置，放佢去沙特掘金都不失為一個雙贏嘅決定。Ling Ling